Ei guude wie!

Des iss jetz mol ein klaane Auszug aus moim Leben und dem Leben von moim polnische Wegbegleiter. Wie mer unschwer erkenne kann, kumm isch ausm scheene Hesse (gebore am 08.12.1977 in Frankfort), genauer gebabbelt aus Kelsterbach, der „Perle am Untermain“.
Einfach herrlisch da, direkte Einflugschneise vom Frankforter Flughafe..*zwinker* Probleme mit Fluglärm?? Nööööö, nur OHNE!!!

Unn weil ich halt aach mol irschendwann  was lerne unn eigene Kohle scheffeln sollt, bin isch halt ins aach ganz scheene Rheinland gekumme un habb halt aach gleisch moi  Pferdsche mitgebracht.
Mir wohne jetz in Stommeln bzw moi Pferdsche steht im Stommelerbusch.
Damit isch dann auch dem sei Fudder bleche kann, schaff isch als Aagestellte in so ner Maschinebaufirma als Technischer Zeichner. Eischentlisch hab ich ja mal Sattler gelernt, aber wie des halt heutzutaach so iss, iss man ja vielseitisch unn lernt halt aach mal noch was anners.

Moi Pferdsche (Baschka) kummt aus Pole unn iss 1991 gebore - die kenn isch schon seit 1995- aber die iss immer noch fit wie en Tornschoh!! Die macht fast allen Bleedsinn mit- Dressur, Springe, Gelände, Allround, Langzügel, Handarbeit. Isch habb echt viel von/mit der gelernt- auch wenns manchmol wohl auch auf der ihre Kosten war. Übel genomme hat ses mir zum Glück bisher noch net;-)

Auf Turnier waren mer aach schon oft unn habbe auch schon etlische Schleifscher geammelt. Weil se abber de Füssscher ein bissl kapput hat, mache mer halt jetzt auch ein bissl langsamer als früher.

Im letzte Johr habb isch dann mal ein paar von dene „Freizeitreiter Rheinland“ kennegelrnt- was en lustische Haufe! Und da dürffe mir jetz auch mitmische- also: kein Erbarme, zu spät-die Hesse kumme!!!!


Unn wem des jetz alles doch zu viel war, dem schick ich aach gern de iwwerstzung;-)


Mehr übber uns gibbts aach unner www.baschka.de